Sulinerit pillugit kisitsisitigut paasissutissani najoqqutat

Sulinerit pillugit kisitsisitigut paasissutissanut suliffeqarfiit Akileraartarnermut Pisortaqarfimmut qaammammut nalunaarutigisartagaat aamma qaammammut erseqqissaassutigisartagaat sukumiisut tunngaviunerpaajupput. Qaammammut nassuiaatini sukumiisuni nalunaartutigineqartarput suliffeqarfiit ataasiakkaarlutik qaammammut aningaasarsissutigitittagaat, soorlu makku; akileraarutit aamma sulisoqarnermut akitsuutit. Aningaasarsiat akileraarutillu suliffeqarfinnit sulisunut ataasiakkaanut qaammammut erseqqissaanerni sukumiisuni immikkoortiterneqartarput. Qaammammut nassuiaatit sukumiisut suliffeqarfinnut tunngasunik paasissutissanik imaqartut qaammammut erseqqissaanerit sukumiisut inunnut tunngasunik paasissutissanik imaqarput. Qaammammut nassuiaat sukumiisoq aamma qaammammut erseqqissaat sukumiisoq imminnut qanittuararsuarnik paasissutissaqarput.

Najoqqutani qulaani taaneqartuni sulisartut tamakkerneqanngillat, ilaatigut namminersorlutik suliffeqarfiuteqartut aamma Danmarkimi suliffeqarfinni nalunaarsimasuni sulisartut najoqqutani ilanngunneqarsimanngillat. A isertitani paasissutissat malillugit sulisimasut ilanngunneqartarput taakku saniatigut Naatsorsueqqissaartarfimmi akileraartarnermut immineerluni immersugassat malillugit isertitat inunnut tunngassuteqartut suliarinerineqarnerini ilanngunneqartarput.

Sulinerit qaammammut nalussuiaatini nalinginnaasuni sukumiisunilu ilanngunneqarsimanngitsut paasissutissanut ilanngunniarlugit kommunit najukkani suliffissarsiuusisarfiini suliffissarsiortunut nalunaarsuiffii atorneqarput.

Sulisitsisut sulisullu suliaqarfinni sorlerni inissisimanerat paasiniarlugu Inuussutissarsiummik Ingerlataqartunik Nalunaarsuiffik (IIN) atorneqartarpoq. IIN-imi suliffeqarfiit suliaqarfinnut immikkoortiterneqartarput, immikkoortiterinermi suliffiit annerusumik suliaqarfigisaanut inissinneqartarput. Saqqummersitsisarnerni siullerni suliaqarfiit immikkoortitigaanerat sulinernut atuutiinnarneqartarsimagaluartoq maanna paasissutissani suliaqarfinnut immikkoortersimanerat malillugi ingerlanneqarpoq. Tamanna pissutaalluni paasissutissani suliaqarfinnut immikkoortiterinerit IIN-ilu assigiinngissinnaapput. Assersuutigalugu suliffeqarfiit anginerusut ingammik aalisarnermik suliaqartut, tassa toqqaanartumik toqqaananngikkaluartumilluunniit aalisartunik sulisoqartut IIN-imi suliaqarfinnut assigiinngitsunut inissinneqartarsimanerat. Taamaasilluni suliaqarfik Aalisarneq ikippallaanik sulisulerneqartarsimavoq, akerlianillu suliaqarfiit allat soorlu Niuerneq suliffissuaqarnerlu sulisunik amerlanaarivallaartarsimaneq taamaaliornermut pissutaapput. Allanngortiterinermi suliffeqarfiit suliaqarfiinut immikkortiterneqarput, tamatunga kinguneraa assersuutigalugu suliaqarfinni “Aalisarneq, piniarneq nunalerinerlu” sulisut ikiliartornerat, taakkununnga aalisakkerivinni, tusaasuivinni aamma toqoraavinni sulisut siullerni ilanngunneqartaraluarmata. “Aatsitassalerinermik” suliaqartunut aatsitassarsiorfinni sulisut saniatigut aatsitassarsiornermik toqqaannartumik suliallit ujarassiuut ilanngunneqartalerput.

Najugaqavissut Naatsorsueqqissaartarfimmi innuttaasunik allattuiffik malillugu aaliangerneqartarput. Innuttaasuni allattuiffik atorlugu assersuutigalugu najugaqarfinnut, ukioqqortussutsinut aamma suiaassutsinut paasissutissat, sulinermut ilanngunneqartarput.

Pisortaqarfinni sulinernut tunngatillugu kommunit isumaginninnermut tunniuttagaanut Naatsorsueqqissaartarfimmi nalunaarsuiffik najoqqutarilluarneqarpoq. Qaammammut sukumiisumik erseqqissaanerni kommunini sulinernit akiliutigineqarsimasut ersersinneqartarput akiliutigineqarsimasullu sulisimanermut attuummassuteqanngitsut soorlu utoqqalinersiat aamma suliffeqanngikkallarnermi ikiorsiissutit nalunaarsuiffik atorlugu immikkoortinneqarsinnaapput.